Mambo yanazidi kuwa matamu katika kampeni za uchaguzi mdogo wa
Jimbo la Kalenga, Iringa Vijijini, ambapo leo asubuhi helkopta ya
Chadema iliuteka mji wa Iringa kwa kurusha vipeperushi vya mgombea wao
Grace Tendega, katika maeneo mbalimbali ya mji wa Iringa hasa katika
stendi kuu ya mabasi na zingine zilitua Makao Makuu ya CCM Mkoa wa
Iringa.
Kwa mujibu wa shuhuda ambaye ofisi yake ipo mkabala na Ofisi za
CCM, alisema kuwa majira ya saa nne leo asubuhi waliona helkopta ya
Chadema ikipita kwa chini karibu na majengo huku ikidondosha vipeperushi
katika maeneo hayo.
“Mimi na wenzangu tulishituka na kutoka nje kuiona helkopta hiyo,
kwanza tulidhani inatua lakini haikuwa hivyo. tuliona ikirusha
vipeperushi ambavyo vingine vilitua jengo la CCM, baada ya hapo ikapaa
zaidi angani na kuelekea upande wa kusini mwa Mji wa Iringa,” alisema
dada huyo.
Chadema ilitangaza kwamba leo inaanza kampeni katika Jimbo la
Kalenga kwa kutumia helkopta maarufu kama Chopa, na wangeanzia Kijiji
cha Wangama alikozaliwa mgombea wao Grace Tendega.
0 comments:
Post a Comment